មានព័ត៌មានជាច្រើនដែលបានបង្ហាញអំពី Samsung Galaxy Gear តែពេលនេះសូមងាកក្រឡេកមើលនូវផលិតផលថ្មីរបស់ក្រុមហ៊ុន Sony នោះគឺ Smartwatch 2 ។

Sony Smartwatch 2 គឺមានលក្ខណះខុសប្លែកពី Samsung Galaxy Gear ក៏ប៉ុន្តែ Smartwatch មួយនេះប្រើប្រាស់នូវប្រព័ន្ធប្រតិបត្តិការ Android 4.0 ហើយអ្វីដែលប្រសើរនោះគឺថា វាមិនចាំបាច់ចុច Turn Off នោះទេ ។

អេក្រង់របស់ Sony Smartwatch 2 មានទំហំ 1.6 អ៊ីង ជាមួយនឹងកម្រិតភាពច្បាស់ 220 x 176 ដែលវាមានអេក្រង់តូចជាង Galaxy Gear ដែលមានអេក្រង់ធំជាង និងមានកម្រិតភាពច្បាស់ធំជាង ។

ក្រុមហ៊ុន Sony បានអះអាងថា Smartwatch 2 នេះគឺមិនចូលទឹក ងាយស្រួល Update និងប្រើប្រាស់បានរហូតទៅដល់ 6 ទៅ 7 ថ្ងៃ ។

យ៉ាងណាមិញតម្លៃរបស់ Sony SmartWatch 2 គឺមានតម្លៃពាក់កណ្តាលនៃ Samsung Galaxy Gear ។

ប្រភព៖​ TechRadar