Stack Overflow ដែលជាគេហទំព័រសំណួរនិងចម្លើយដ៏ធំបំផុតមួយសម្រាប់អ្នកសរសេរកម្មវិធីបង្ហាញនៅថ្ងៃនេះថាពួកអ្នកវាយប្រហារដែលមិនស្គាល់គ្រប់គ្រងការវាយលុកនៅក្នុងដំណាក់កាលអភិវឌ្ឍន៍របស់ខ្លួន ហើយបន្ទាប់មកស្ទើរតែមួយសប្តាហ៍បន្ទាប់ពីពួកគេទទួលសិទ្ធិចូលដំណើរការដោយគ្មានការអនុញ្ញាតពីជំនាន់ផលិតកម្មរបស់ខ្លួន។

បង្កើតឡើងដោយ Jeff Atwood និង Joel Spolsky ក្នុងឆ្នាំ២០០៨ Stack Overflow គឺជាបណ្តាញដ៏សំខាន់នៃ Stack Exchange Network។ ជាមួយអ្នកប្រើដែលចុះឈ្មោះចំនួន១០លាននាក់និងអ្នកទស្សនាជាង៥០លាននាក់ជារៀងរាល់ខែនោះ Stack Overflow មានប្រជាប្រិយភាពខ្លាំងណាស់ក្នុងចំណោមអ្នកសរសេរកម្មវិធីដែលមានជំនាញនិងអ្នកដែលចូលចិត្ត។នៅក្នុងកំណែជំនាន់ចាស់នៃការប្រកាសចេញផ្សាយដោយលោក Mary Ferguson ដែលជាអនុប្រធានផ្នែកវិស្វកម្មនៅ Stack Overflow ក្រុមហ៊ុនបញ្ជាក់ពីការរំលោភបំពាននេះ ប៉ុន្តែនិយាយថាខ្លួនមិនរកឃើញភស្តុតាងណាមួយដែលថាពួកអ្នកវាយប្រហារចូលប្រើគណនីរបស់អតិថិជនឬទិន្នន័យរបស់អ្នកប្រើណាមួយឡើយ។

ទោះជាយ៉ាងណាក៏ដោយ ការប្រកាសដំណឹងថ្មីនេះនិយាយថា ក្រោយពេលស្ងប់ស្ងាត់អស់រយៈពេលមួយសប្ដាហ៍ ពួកអ្នកវាយប្រហារធ្វើការស្នើសុំសិទ្ធិលើគេហទំព័រ តែពួកគេអាចចូលទៅកាន់ផ្នែកតូចមួយនៃទិន្នន័យ រួមបញ្ចូលអាសយដ្ឋានIP ឈ្មោះ និងអាស័យដ្ឋានសារអេឡិចត្រូនិចរបស់អ្នកប្រើមួយចំនួនតូច។"ចាប់ពីថ្ងៃទី៥ ខែឧសភា ដល់ថ្ងៃទី១១ ខែឧសភា អ្នកឈ្លានពានមានសកម្មភាពរុករករបស់ពួកគេហើយ។ នៅថ្ងៃទី១១ ខែឧសភា អ្នកឈ្លានពានផ្លាស់ប្តូរប្រព័ន្ធរបស់យើងដើម្បីឱ្យពួកគេទទួលសិទ្ធិពិសេសលើផលិតកម្ម។ ការផ្លាស់ប្តូរនេះត្រូវកំណត់យ៉ាងឆាប់រហ័សហើយយើងដកហូតសិទ្ធិចូលប្រើបណ្ដាញរបស់ពួកគេនិងចាប់ផ្ដើមស៊ើបអង្កេតការឈ្លានពានហើយចាប់ផ្តើមចាត់វិធានការដើម្បីដោះស្រាយការឈ្លានពាននេះផងដែរ។

លោក Ferguson និយាយថា "ឥឡូវនេះយើងអាចបញ្ជាក់ថាការស៊ើបអង្កេតរបស់យើងបង្ហាញថា សំណើសុំនៅក្នុងសំណួរប៉ះពាល់ដល់អ្នកប្រើប្រាស់បណ្តាញសាធារណៈចំនួន ២៥០នាក់។ យើងនឹងជូនដំណឹងដល់អ្នកប្រើដែលទទួលរងផលប៉ះពាល់។"ក្រុមហ៊ុននេះក៏បង្ហើបឱ្យដឹងផងដែរថា ពួកអ្នកវាយប្រហារទាញយកផលប្រយោជន៍ពីកំហុសដែលត្រូវគេដាក់ឱ្យប្រើប្រាស់ក្នុងពេលថ្មីៗនេះដែលត្រូវសាងសង់ឡើងទៅថ្នាក់អភិវឌ្ឍន៍សម្រាប់គេហទំព័រ Stack Overflow ។Stack Overflow និយាយថា ក្រុមហ៊ុនកំពុងធ្វើការដោះស្រាយបញ្ហាងាយរងគ្រោះទាំងអស់។

លោក Ferguson និយាយថា "យើងរកឃើញនិងស៊ើបអង្កេតវិសាលភាពនៃការចូលប្រើហើយកំពុងដោះស្រាយភាពងាយរងគ្រោះដែលដឹងទាំងអស់" ។«ជាផ្នែកមួយនៃនីតិវិធីសុវត្ថិភាពរបស់យើងដើម្បីការពារទិន្នន័យរសើបរបស់អតិថិជន យើងរក្សាហេដ្ឋារចនាសម្ព័ន្ធនិងបណ្តាញដាច់ដោយឡែកសម្រាប់អតិថិជនរបស់ក្រុមការងារ ពាណិជ្ជកម្ម និងសហគ្រាសផលិតផលរបស់យើង ហើយយើងមិនរកឃើញភស្តុតាងថាប្រព័ន្ធទាំងនោះឬទិន្នន័យអតិថិជនត្រូវចូលនោះទេ។ ការផ្សាយពាណិជ្ជកម្មនិងអាជីវកម្មរបស់យើងក៏មិនត្រូវប៉ះពាល់ដោយការឈ្លានពាននេះដែរ "។

កាលពីឆ្នាំមុន គេហទំព័រសំណួរនិងចម្លើយដ៏ពេញនិយម Quora ទទួលរងនូវការរំលោភបំពានទិន្នន័យដ៏ធំមួយដោយពួកវាយប្រហារដែលទទួលព័ត៌មានរសើបរបស់អ្នកប្រើប្រាស់ប្រហែល ១០០លាននាក់ដែលរួមមានឈ្មោះរបស់ពួកគេ អាស័យដ្ឋានសារអេឡិចត្រូនិច​ ពាក្យសំងាត់ និង សារផ្ទាល់ខ្លួន។