កាលពីថ្ងៃទី ៤ ខែកក្កដា យើងបានទទួល របាយការណ៍មកថា  iTunesត្រូវបាន Hacked ដោយអ្នក សរសេរកម្មវិធី ជនជាតិវៀតណាម ឈ្មោះ “Thuat Nguyen” មិនយូរប៉ុន្មាន យើងក៏ បានទទួល ព័ត៌មានបន្ថែម ទៀតថា កម្មវិធីរបស់ លោក “Thuat Nguyen” ដែលដាក់លក់ក្នុង App Store នោះគឺត្រូវ បានលុបចោល ទាំងអស់ ហើយបន្ទាប់ មកទៀត សេចក្តីថ្លែងការណ៍មួយបានចេញ ដោយ Apple ប្រកាសថា “អ្នក សរសេរកម្មវិធីសម្រាប់ App Store គឺលោក Thuat Nguyen ត្រូវបានបញ្ឈប់ដោយ សារតែលោកមិន បានគោរពច្បាប់ព្រមព្រៀង របស់ក្រុមហ៊ុន ក្នុងនោះ ក៏មាន ជាប់ទាក់ទិន ទៅនឹងការ លួចបន្លំទិញផងដែរ” លើសពីនេះ Apple ក៏បានបន្ថែមទៀតថា “បើសិន អ្នកប្រើប្រាស់ ដឹងថាព័ត៌មាន Credit card ឬលេខ កូដសម្ងាត់ iTunes របស់ខ្លួនត្រូវបានគេលួច ដូច្នេះ លោកអ្នកគួរ ធ្វើការទំនាក់ទំនង ជាមួយនឹងធនាគារ ដែលបាន ដាក់ប្រាក់និងសុំឱ្យគេលុបព័ត៌មាន កាតចោល ហើយសុំឱ្យគេចេញ នូវរបាយការណ៍ពីការ ដកប្រាក់ដោយ គ្មាន អនុញ្ញាតនោះ លើសពីនេះ ក្រុមហ៊ុនក៏សុំឱ្យអ្នក ប្រើប្រាស់ធ្វើការផ្លាស់ប្តូរលេខកូដសម្ងាត់ (Password) របស់ iTunes ភ្លាមៗ តាមតែអាចធ្វើទៅបាន” ។ Apple បានឱ្យរបាយការណ៍ស្តីអំពីចំនួនអ្នកប្រើប្រាស់គឺសរុបមានដល់ទៅ ១៥០លាននាក់
ហើយការ លួចគណនីពីអ្នកប្រើប្រាស់ iTunes គឺមានជនរងគ្រោះត្រឹមតែ ៤០០នាក់    បើគិតជាភាគរយ (0.0003%) ប៉ុណ្ណោះ។ បែតីមាការរាយការណ៍ ពីវ៉ិបសាយ Arstechnica វិញបានឱ្យដឹងថាករណី លួចគណនី iTunes គឺបានកើតឡើង ជាបន្តបន្ទាប់ដោយក្នុងនោះគឺមាន   អតិថិជនម្នាក់ត្រូវបានគេលួចទឹកប្រាក់អស់ចំនួន 168.89 ដុល្លារ ទៅលើការ ទិញកម្មវិធី “Travel helper” ពីក្រុមហ៊ុនសៀងហៃគឺ WiiSHii។ រីឯក្រុមហ៊ុន F-Secure ឯណោះវិញបានពន្យល់ឱ្យដឹងផងដែលថា ចំនួនអតិថិជននៅលើអ៊ីនធើណែតយ៉ាងតិចណាស់ប្រហែលជា 20% គឺប្រើប្រាស់­លេខកូដសម្ងាត់ (Password) ដូចគ្នា ដូច្នេះបើសិន គណនីណាមួយត្រូវបានគេ Hack នោះអតិថិជនដទៃទៀតក៏នឹងត្រូវ បានគេលួច។ ជមុវិញករណីនេះ ផងដែរមានប្រភពព័ត៌មានមួយទៀតក៏បាន ឱ្យដឹងថាគណនីដែលបានលួចនោះគឺត្រូវបានដាក់លក់នៅលើ វ៉ិបសាយ របស់ជនជាតិចិន ហើយទង្វើនេះ គឺអាចនិយាយថាជា ការបង្វែងដាន ដូច្នេះ យើងធ្វើសន្និដ្ធានថាអ្នកសរសេរកម្មវិធីសម្រាប់ App Store អាចឈរនៅ ក្រោយករណីទាំងនេះ តែទោះបីជាយ៉ាងណាក៏ដោយ ផៅផលេ បានរំលឹកទៅដល់ អតិថិជន App Store ទាំងអស់ឱ្យ​​ ចេះការពារខ្លួន ហើយបច្ចុប្បន្ន Apple ក៏កំពុងជួល អ្នកជំនាញដើម្បីពង្រឹង សុវត្ថិភាព iTunes នៅក្នុង ផងដែរ។